Giila ang mga namatay nga silang Beverly Sinunta, alyas Ayang, Secretary sa Sub-Regional Committee (SRC)-2 sa North Central Mindanao Regional Committee (NCMRC), banq niini nga si Alfredo Banawan alyas Alab, Deputy Secretary ug ang anak nilang si Chen-Chen Banawan, Alyas Pao, pulos mga residente sa Sitio Trukat, Barangay Cawayan, Quezon, Bukidnon.
Lakip usab nga nailhan silang Penita Singaman, alyas Pening, Aurelio Gonzales, alyas Alvin nga mga taga Barangay Kalasungay, Malaybalay City, Bebot Sulinay, alyas Ligid, nga taga Sitio Kadagsangan, Barangay Bulonay, Impasugong, Bukidnon ug usa ka alyas Loue nga taga probinsya sa Agusan.
Padayon pa usab ang pakigkoordinar sa mga kasundaluan ngadto sa mga kanhi rebelde aron sa pag-ila sa nahibiling tulo ka mga fatalities.
Sa pamahayag ni Major General Jose Maria R. Cuerpo II, Commander sa 4th Infantry Division sa Philippine Army, gibutyag niya nga ang pag-ila sa mga namatay nga miyembro sa teroristang grupo timaan sa walay ayong padulngan sa pagpabiling pagpakigbisog batok sa gobyerno ilabi na nga maapil sa pagrecruit ang mga miyembro sa pamilya.
Napahiluna na sa karon ang patayng lawas sa mga rebeldeng NPA ngadto sa punerarya samtang panawagan sa militar sa mga nahibiling miyembro nga mubalik na sa malinawong pamuyo kauban ilang pamilya ilabi na sa nagsingabot nga bag-ong tuig.
