Aktibo nga kaso sa COVID-19 sa Zamboanga del Sur, mosubra 100 na

69
Pagadian City – Nipatong na sa usa ka gatos ang ihap sa aktibong kaso sa COVID-19 sa Zamboanga del Sur subay sa pinakaulahing datos nga gipahula sa Integrated Provincial Health Office (IPHO).
Nakatala og dugang 35 ka indibidwal ang IPHO kagahapon nga nagpositibo sa virus rason nga mitotal sa 106 ang active cases sa probinsya.
Nisutoy ngadto sa 45 ang natala sa dakbayan sa Pagadian, 9 sa Lakewood, 7 sa Guipos, tag-6 ka kaso sa Mahayag ug Lapuyan, samtang 5 sa Labangan ug adunay 4 ka kaso sa Dumalinao.
Namatikdan nga sunod-sunod ang pagsaka sa kaso sulod sa walo ka adlaw hinungdan nga gi-alerto na karon ang mga LGU alang sa hugot nga pagpatuman sa ulahing mando ehekutibo nga giluwatan sa kagamhanang probinsyal.
Mapadayunong pagtamod sa health protocols maoy subling gipahinumdum aron malikay sa pilegro sa virus ilabina ang Omicron variant.
Facebook Comments