Anti-ram barriers gimuntar sa Task Force Davao checkpoints

73

Davao City – Gibutangan na og anti-ram barriers ang tanang checkpoints sa Task Force Davao alang sa pagpahunong sa mga behikulo sa mga giingong kriminal.

Sa interbyu sa RMN Davao kang Task Force Davao commander Col. Darren Comia, gi-enhance nila ang mga measures human sa mga insidenteng ginukdanay sa mga awtoridad kontra sa mga niikyas nga mga suspek partikular na atong gidagit nga ambulansya gikan sa SPMC ug nisutoy nga sakyanan sa usa ka negosyante sa Lasang chekpoint nga adunay karga nga P240,000 nga shabu.


“Gumawa tayo ng paraan para ma-ensure na hindi na ito mauulit by having these anti-ram barrier, ito ay isang proteksyon para sa lahat at para mapigilan natin iyong mga may masamang balak na tumakas sa kapulisan at kasundaluhan,” matud niini.

Gawas pa niini, gamit ang mirror underneath device sa kasundaluhan hugot nga ginainspeksyon ang ilalom sa mga sakyanan sa mga musulod sa tanang border control points sa syudad aron makita ang posibleng ginatipigan nga butang sa mga terorista.

Nagdugang og fixed checkpoints sa Malagos ug Eden ang militar tungod ginagamit kining bypass road aron makalikay sa tulo ka mga major checkpoints sa Davao City.

Sa koordinasyon sa Davao City Police Office adunay 24/7 random checkpoints ang Task Force Davao aron mamentenar ang kahapsay ug kalinaw sa dakbayan.



RadyoMaN Aimee Guinita

Facebook Comments