Mananagat nga na-rescue nakauli na sa iyahang pamilya

26

Davao City – Nakauli na ngadto sa iyahang kabanay sa Barangay Caburan, Jose Abad Santos ang na-missing nga mananagat.

Giila sa Philippine Coast Guard sa Davao Oriental ang 46 anyos nga biktima nga si Ronilo Capitan, kinsa nawala niadtong Oktobre 7, 2021 human mikulob ang gisakyang bangka niini gumikan sa kusog nga hangin ug dagkong balod sa Cape San Agustin, Barangay Lavigan Governor Generoso, Davao Oriental.


Sumala sa report sa PCG, pasado alas siyete sa buntag samtang pauli na unta sa Jose Abad Santos ang mananagat sa dihang nahitabo ang insidente ug niadtong Oktubre 10 na nga nakit-an ang biktima nga nagkapyot sa iyang bangka ug giluwas kini padulong sa Pujada Bay, Mati City.

Nakig-alayon usab ang PCG Davao Oriental ngadto sa PCG Davao Occidental sa pagguyod sa bangka pauli sa Jose Abad Santos.

Gitunulan usab kini sa Mati City Disaster Risk Reduction and Management Office og pagkaon ug mga kagamitan.

RadyoMaN Aimee Guinita



Facebook Comments