ANUM KA MGA LGUs SA CAPIZ, GAWAD KALASAG AWARDEES SANG OCD6

45
Roxas City, Capiz – Anum ka mga local government units(LGUs) sa probinsya sang Capiz ang ginpasidungan sa 22nd Gawad KALASAG Seal and Special Awards sang Office of the Civil Defense sa Western Visayas.
Sa ginpatigayon nga National Awarding Ceremony sa Diversion 21 Hotel, Mandurriao, Iloilo City, kalakip sa mga nagbaton sang Gawad Kalasag Seal of Excellence Fully Compliant amo ang mga banwa sang Dumarao, Jamindan, Maayon, kag Tapaz samtang Seal of Excellence Beyond Compliant naman ang banwa sang Dumalag kag Panitan.
Sa pihak nga bahin ginrekognisar man ang Capiz Emergency Response Team (CERT) bilang Gawad KALASAG special awards national finalist sa Best Government Emergency Management and Response Team Category.
Nahibaloan nga kabug-osan nga 91 ka mga LGUs sa Western Visayas ang nagsumiter sang entries para sa subong nga tuig kag 43 sa mga ini ang ginkilala nga Fully kag Beyond Compliants.
Ang amo nga kadalag-an ang nagapamatuod sang ka-epektibo nga pagresponde sa komunidad sa ti-on sang emerhensya kag kalamidad kag implementasyon sang ginatawag nga Disaster Risk Reduction and Management, Climate Change Adaptation.
Facebook Comments