ANUM KA MGA PNP PERSONNEL SANG PRO – 6, GINPASIDUNGGAN!

12
Roxas City, Capiz – Anum ka mga kapulisan sa Western Visayas ang ginpasidunggan sang Police Regional Office (PRO) – 6 kadungan sang Flag Raising kag Awarding Ceremony sa PRO – 6 Grandstand sa Camp General Martin Teofilo B. Delgado, Fort San Pedro, Iloilo City.
Kalakip sa mga awardees nga nagbaton sang PNP Commendation Medal (Medalya ng Papuri) amo sanday Police Major Kennith Bermejo kag Police Corporal Christian G. Zamora sang Jordan Municipal Police Station, Guimaras Police Provincial Office kasunod sang madinalag-on nga pagka-arestar kay Joemari Castillo y Biclar nga wanted sa kaso nga robbery sang nakaligad nga Setyembre 24, 2021.
Sanday Police Captain Narciso Sables, Jr. kag Patrolman Rashmoor M. Odon sang Valderama Municipal Police Station, Antique Police Provincial Office ang ginkilala man bangud sa pagkadakop kay Antonio Sasi y Olado nga wanted bangud sa kaso nga Murder.
Kasubong man nga award ang ginbatun nanday Police Lieutenant Ryan Christ Inot kag Police Corporal Erec P. Boriba sang Anilao Municipal Police Station, Iloilo Police Provincial Office matapos nga naarestar si Jenny Boy Datoo-on y Guintibano nga may yara sang ginapangatubang nga kaso nga rape (3 counts).
Sa iya mensahe, ginpanginbulahan ni Engineer Joe Marie E. Dogelio, President, Philippine Association of Recognized Security Training School, Incorporated kag dinapit nga bisita ang mga nagbaton sang award.
Samtang yara man ang presensya ni Police Brigadier General Flynn E. Dongbo, RD, PRO6; Command Group; Regional kag Personal Staff kag hepe sang Regional Support Units.
Facebook Comments