Pumirma o sumang-ayon ang apat na kongresista sa lalawigan ng Pangasinan sa ika-apat na impeachment complaint sa Mababang Kapulungan laban kay Vice President Sara Duterte.
Ang mga ito ay kinabibilangan nina 2nd District Representative Mark Cojuangco, 3rd District Representative Rachel Arenas, 4th District Christopher De Venecia, at 6th District Representative Marlyn Agabas.
Ang naturang complaint ay agarang lumusot sa kongreso na umani ng 215 votes, sobra pa sa 1/3 na kinakailangang boto para makaangat sa senado ang complaint na magsisilbing korte sa impeachment ng bise presidente.
Patuloy na nakikipag ugnayan ang IFM News Dagupan sa apat na kongresista na upang hingiin ang kanilang dahilan sa pagpirma sa impeachment complaint laban sa bise presidente. | 𝙞𝙛𝙢𝙣𝙚𝙬𝙨
