Ine in matapos nagpositibo ha ASF an maabot ha 30 ka baboy ha Barangay Tangkaan ha nasabi nga lugar.
Sumala kan Eastern Visayas regional ASF coordinator Vencie Pantonino, an mao nga mga baboy in nagkaada hin sintomas han makatarapon nga sakit. Mayda na gihapon daw kadugangan pa nga 30 nga baboy nga namatay tinikangan dida han bulan han Hunyo yana nga tuig ha mao nga lugar.
Subay han initial investigation result han DA, nagawas nga an pagtapon han virus in resulta tikang ha pagbyahe han mga may sakit na nga baboy tikang ha munisipalidad nga mayda aktibO nga kaso han ASF.
Gin suguro naman han DA nga ginpapanginano na han ira technical team agud malikyan an pagsarang han virus. Gin momonitor na gihapon an iba pa nga kahagrani nga lugar kun may natapnan han sakit.
Tikang dida han tuig 2021, umabot na ha 13,366 an kaso han ASF ha bug-os nga Eastern Visayas kun diin kadam-an dinhi in gin depopulate o ginpatay.
