Backrider nalatayan og truck patay

338
Davao City – Kasong Reckless Imprudence Resulting to Homicide ang atubangon sa driver sa usa ka truck human sa disgrasya tali sa motorsiklo sa Diversion Road, Maa Davao City alas 9:40 sa buntag kagahapong adlawa (Hulyo 27, 2022).

Sa report sa Maa Police Station, ang driver sa International Harvester Truck nga mao si Samson Corpuz, 50 anyos, minyo, driver ug residente sa San Vicente, Panabo, Davao del Norte.

Samtang ang motor gimaneho ni Jared Norman Insong, 33 anyos, residente sa Catalunan Grande Davao City ug angkas niini ang iyang uyab nga si Deburah Sahay, 28 anyos, residente sa Bangkal, Davao City, diin ang duha ka sakyanan parehong padulong sa northbound sa Diversion Road.

Sa imbestigasyon, nagsubay sa outer lane ang motor sa dihang kalit lamang kining na-slide sa adunay grava nga bahin sa ongoing road construction hinungdan nga nalagpot ang backrider ug napasok ug nalatayan sa ligid sa truck nga miresulta sa iyang kamatayon, samtang nakahiagom og minor injury ang driver sa motor.

Anaa na karon sa kustodiya sa Maa Police Station ang driver sa truck samtang gipreparar ang ipasang-at nga kaso batok kaniya.

RadyoMaN Kirby Manzon

Facebook Comments