Nasapwan ang bangkay sang isa ka lalaki sa Brgy. Caboloan, Oton Iloilo.
Ginkilala ang bangkay nga si Jerry Senato, 48, anyos sang Brgy. San Jose, sa banwa sang San Miguel Iloilo.
suno sa nakakita nga si Richard Gonzaga nga paryente man sang napatay, nagapangahoy siya sang iya napanimahuan ang baho nga daw kaangay sang patay nga sapat rason nga iya ini ginsunod kag nakibot na gid lang siya nga bangkay na sang lalaki ang iya nakit-an.
Samtang ginpahayag naman ni Police Chief Inspector Hilario Roga sang SOCO, base sa ila pagpangusisa, ulihi nga nakit-an ang lalaki sang Biyernes sang hapon kon sa diin nagkadto pa ini sa namatyan nga iya man mismo hinablos antes ini nasapwan nga isa naman ka bangkay.
plano naman sang pamilya sang napatay nga ipa-autopsy ang bangkay sang ila himata.
