Transport strike sa Davao, hapsay

Davao City- Malinawon ug hapsay ang pagpahigayon og transport strike sa mga transport group dinhi sa syudad sa Davao atol sa duha ka adlaw nga Nationwide Transport Strike kun tigil pasada nga gilusad kagahapong adlawa kutob lamang karon.

Sumala ni PSI Ma.Teresita Plaza *Gaspan*, tigpamaba sa Davao City Police Office kun DCPO, base sa ilang record, walay natala nga mga insidente atol sa maong kalihokan ug hapsay ang sitwasyon sa kadalanan gani walay mga natanggung nga mga pasahero sanglit gitagaan og pagtagad sa lokal nga gobyerno ang mga apektado pinaagi sa libreng sakay sa mga bus.

Dugang ni Gaspan nga wala nakahatag og kahasol ang mga nagprotesta ngadto sa mga Dabawenyo sanglit gamay lang sumala pa ang nisalmot sa maong transport strike dinhi sa syudad.


RadyoMan Don Pulayao

Facebook Comments