Ni Jay-ar M. Arante, RMN-DYKR Kaibo
Nagtao it deadline si DENR Secretary Roy Cimatu sa PENRO Aklan nga kinahang-ean hay uwa eon do bulto-bulto nga basura sa isla it Boracay sa Hulyo 17
.
Dahil kara nagbueoligan ro PENRO Aklan, CENRO Boracay, DENR Region 6 ag Central Office kung paano mahakot ro kaabong basura it Boracay patabok sa mainland Malay.
Suno kay Provincial Environment and Natural Resources Officer Ivene Reyes, nagpadaea eon si Governor Florencio Miraflores it mga traktura pati barge sa Boracay nga maga hakot it basura halin sa tatlong ka MRF sa isla.
Samtang ging istoryahan man it mga taga DENR sa “Dalaw Turo” kung paano masolusyonan do problema it basura sa Boracay kung sa siin nasayuran nga maabo gihapon nga uwa naga segregate it andang mga basura.
Nasayuran nga naga pangatubang makaron sa environmental problem ro isla it Boracay nga gusto gid nga matutukan ni DENR Sec. Cimatu.
TAGS: PENRO, CENRO, CIMATU, BASURA, BORACAY
