General Santos City – Malampusong natapos ang search, rescue, ug retrieval (SRR) operations sa natumpag nga istruktura sa Barangay Calumpang, General Santos City, busa gidayeg ug gipasalamatan ang Bureau of Fire Protection (BFP) Region XII ingon man ang tanang rescuers ug partner agencies nga mitubag atol sa linog nga miigo sa nasud niadtong Hunyo 8.
Sulod sa pipila ka adlaw, walay hunong nga nagtinabangay ang mga miyembro sa BFP Special Rescue Force gikan sa nagkalain-laing rehiyon ug ubang emergency response teams aron pangitaon, luwason, ug makuha ang mga biktima nga natanggong sa ilawom sa mga gumba.
Matud sa BFP, ang kalampusan sa operasyon nagpakita sa hugot nga koordinasyon, teknikal nga kahibalo, ug dedikasyon sa mga ahensya sa gobyerno, mga boluntaryo, ug komunidad sa panahon sa kalamidad.
Bisan pa sa pagtapos sa SRR operations sa site, magpabiling aktibo ang Incident Command Post ug andam sa pagresponde sa posibleng mga insidente sa ubang lugar nga naapektuhan sa linog, ilabina sa pipila ka bahin sa Sarangani Province.
RadyoMaN Kareen Beltran
Facebook Comments
