Sa interbyu sa DXDC RMN Davao kang Police Corporal William Raboy, imbestigador sa New Corella Municipal Police Station (MPS), giila niini ang suspek nga si Junifer Malayao, 45 anyos, minyo ug residente sa Poblacion, New Corella, Davao del Norte.
Samtang ang biktima mao si Ansary Acmad, 35 anyos, residente sa Apokon, Tagum City, Davao del Norte.
Gisulti ni Raboy nga nahitabo ang insidente sulod sa pick-up vehicle samtang nag-drive ang biktima uban ang iyang asawa, samtang anaa likod sa sakyanan ang bodyguard.
Saysay suspek nga nag nag-minuslim matud pa ang iyang among magtiayon ug daw adunay dili maayong plano, ug mihangyo nga kuhaon usa ang pusil nga giisyu kaniya.
“Before pa makuha ni Ansary (biktima), itunol na unta niya ang baril. Unya nagunit na man siya sa grip sa baril unya iyahang kamot naa napud sa trigger, kuhaon unta ni Ansary. Nag-iloganay daw sila. Mao tong iyang gipusil. Maoy iyang allegation sa iyang story,” saysay sa pulis.
Gilayong nasikop ang suspek atol sa hot pursuit operation ug nakuha kaniya ang 1 ka Uzi Cal. 9mm Machine pistol ug usa ka magazine nga adunay mga bala.
Nakuha usab sa posisyon sa suspek ang gituohang shabu nga adunay estimated market value nga P3,300,000, diin giingon niining kini gipanag-iyahan sa iyang amo.
Napasaka na batok sa suspek ang kasong paglapas sa Republic Act (RA) 9165 kun Comprehensive Dangerous Drugs Act of 2002 ug RA 10591 kun Comprehensive Firearms and Ammunition Regulation Act. Samtang, ginaproseso na usab ang iyang atubangon niining kasong murder.
RadyoMaN Kirby Manzon
