Booster shot dili mandatoy sa LGU-Davao

Davao City – Walay nakitang rason si Davao City Mayor Sara Duterte-Carpio nga himuong mandatory ang booster shot o ikatulo nga dose sa Coronavirus Disease 2019 (COVID-19) vaccine dinhi sa syudad sa Davao.

Giklaro sa alkalde (sa livestream interview sa iyang Facebook page), bisan sa mga empleyado sa City Government of Davao, wala gihimong requirement sa hiring ang booster, diin igo na ang duha ka dose sa bakuna.

Gipasabot ni Mayor Sara, tungod kay nagpabiling dili mandatory ang pagpabakuna, dili mamahimong ipugos sa tawo ang booster shot.

“Posible bang mahitabo nga himuon na siya nga policy (ang booster shot) for the entire Davao City? No. Dili siya maggikan sa atoa sa government because dili man gud mandatory ang atoang vaccination,” tataw sa alkalde.

Apan gitataw usab ni Duterte-Carpio, mamahimong mupatuman sa “No booster, no entry” ang pribadong opisina ug establisemento kung ilaha kining himuon isip ilang kaugalingong restrictions batok COVID-19.

RadyoMaN Kirby Manzon

Facebook Comments