Pilar, Capiz – Arestado ang tatlo ka mga persona nga naaktuhan nga nagapatigayon sang pagbulang alas 10 sang aga sa Barangay Dayhagan, Pilar, Capiz.
Ini matapos nga nakabaton sang impormasyon ang mga kapulisan nga may yara sang nagapatigayon sang illegal cockfighting activity kabangdanan insigida nga nagpadulong ang mga ini sa lugar.
Dakop ang mga persona nga ginkilala kanday Joesi Alvaro y Bartolome, 59-anyos; Jemar Juanillo y Galero, 29-anyos kag Kerr Bartolome y Fausto 18-anyos kag lunsay mga residente sang Barangay Dayhagan, Pilar, Capiz. Narekober sang mga otoridad ang walo tanan ka mga inugbulang nga manok.
Yara na subong nakahunong sa karsel sang Pilar Municipal Police Station kag natalana nga pasakaan sang kaso nga paglapas sa Article 199 sang Revised Penal Code (Forms of Gambling and Betting) P.D. 449 (Cockfighting).
photo(c)- Pilar MPS
