Planta sa plywood nasunog

36

Davao City – Kapin lima ka oras ang pagkumbati sa mga sakop sa Bureau of Fire Protection (BFP) Bunawan sa sunog nga miulbo sa compound sa Mindanao Omega Plywood sa Purok 22, Budbud, Bunawan, Davao City.

Nagsugod matud pa ang pagdilaab sa kalayo pasado alas 11:00 kagabii apan dugay na palong. Nasayran nga gikan sa waste material sa ginama nga plywood nga nagtipun-og sulod sa compound nagsugod ang kalayo.


Gituohang tungod sa ka-init hangtud nakamugna og baga sa ilawom nga bahin sa waste material rason nga miulbo ang kalayo.

Matud pa, aron dili na mokanat o mutabok ang kalayo sa mga panimay palibot sa planta, gihimoan og kanal ang nag-ugdong waste material isip buffer zone, samtang gipasiritan og tubig ang maong sunog.

Hinuon walay natala nga dunay danyos o naangol sa nasangpit nga insidente.

RadyoMaN Joel Viray

Facebook Comments