Buying price sang palay sa South Cotabato yara sa P12.00 -P14.00 kada kilo.

32

Yara sa P12.00 kada kilo ang pinakanubo nga presyo sang palay sa probinsya sang South Cotabato base sa ulihi nga price monitoring sang Provincial Agriculture Office.
Suno kay Senior Agriculturist Helen Nicolas ang dry; special ukon fancy rice ang yara sa P14.25 per kilo, ang ordinary naman ang P13.00 per kilo.
Samtang ang palay nga basa special ukon fancy rice yara sa P13.20 kag ang ordinary yara na lamang sa P12.00 per kilo.
Ginkumpirmar naman ni Provincial Agriculturist Raul Teves nga nag-untat na ang provincial government sa pagbakal sang palay sang mga mangnguma sa probinsya tungod ubos na ang P15 milyon nga ginpain nga pondo.
Nahibaluan nga yara sa P19.00 kada kilo ang pagpamakal sang provincial government sa produkto nga palay sang mga mangunguma.
Ginpahayag ni Teves nga yara lang sa 158 tubtub 258 ka mga mangunguma ang kaya sang nasambit nga pondo.

Facebook Comments