Calinan PNP: Polling precinct hugot nang gibantayan

Davao City – Doble na ang pagbantay sa kapulisan ilabina sa mga polling precinct nga gamiton alang sa May 9, 2022 National ug Local Elections.

Sa interbyu sa DXDC RMN Davao kang Police Major Jack Leon Tilcag, Station Commander sa Calinan PNP, gibutyag niini nga Mayo 1 pa lang, aduna nay gi-deploy nga mga personahe sa kapulisan sa mga presinto ilabina kadtong aduna nay mga Vote Counting Machines (VCMs) nga niabot.

“Upon delivery sa VCM, naa na ‘tay mga pulis diha sa kanya-kanyang polling places. Then, at least naa ‘tay mga nabilin diri nga personnel nato,” sulti ni Tilcag.

Gitahasan usab ang nahibiling mga personahe sa pagtuyok sa ilang Area of Responsibility (AOR)9 aron malikayan ang dili maayong panghitabo.

Kahapon sa buntag (Mayo 3, 2022) nakahatag og panic sa publiko ang usa ka nahibiling karton atubangan sa usa ka bakeshop nga gituohang adunay bomba, apan sa pagsuta saging ra diay ang sulod.

Padayong nagpahimangno ang kapulisan nga likayan ang pranks, bomb joke, bomb scare, nga muhatod og panic sa publiko ilabina karong panahon sa eleksyon.

RadyoMaN Kirby Manzon

Facebook Comments