Davao City – Nadakpan sa Davao City Police Office (DCPO) ang usa ka suspek sa insidente sa pagpanunggab nga miresulta sa kamatayon sa usa ka construction worker sa Matina Crossing, Davao City.
Base sa inisyal nga imbestigasyon, giila ang suspek sa alyas “Mark,” residente sa Kawayan Drive, Matina Crossing, nga giingong maoy midunggab sa biktima nga giila sa alyas “Julius,” residente sa Palanca Village, Matina Crossing.
Matud sa usa ka testigo, nakita niini ang suspek nga nagdagan sa usa ka eskinita atubangan sa ilang pinuy-anan human sa insidente, samtang nagkupot og kutsilyong adunay dugo. Miabot sa lugar ang mga responder sa 911 ug ilang gisusi ang biktima, apan gideklara kining dead on the spot.
Human sa aksiyon sa kapulisan, nadakpan ang suspek ug gisang-at na ang tukmang kaso batok kaniya. Nagpadayon ang DCPO sa pagpatuman sa balaod aron mapadayon ang kalinaw ug kaluwasan sa katawhan.
RadyoMaN Kareen Beltran
Facebook Comments
