Capiz PPO, nagtukod sang duha ka team nga magalibot sa mga police stations para tsekyaron ang pagpatuman sang Oplan Ligtas Undas 2019 sang PNP!

151

Roxas City, Capiz – Padayon ang panugyan sang mga kapulisan sa publiko agud nga malab-ot ang kalinungan subong nga pag-obserbar sang Undas 2019.
Sa interview sang dyVR RMN- Roxas sa information officer sang Capiz PPO nga si Police Executive Master Sgt. Donna Asmod, ginpahayag sini nga naka-full alert status ang PNP para sa subong kahiwatan sa diin padayon ang monitoring sang mga kapulisan sa kalinong kag katawhay.
Bilang kabahin sang Oplan Ligtas Undas 2019 sang PNP, ginpatuman ang deployment sang mga kapulisan sa mga sementeryo, terminals kag iban pa nga strategic areas.
Samtang liwat man nga ginpahanumdom sang mga kapulisan, nga likawan sang publiko ang pagdala sang mga matalom nga bagay sa sementeryo, likawan ang pagdala sang makahulobog nga ilimnon, baraha, pusil kag mga magahod nga bagay kasubong sang sound system.
May yara sang gintukod nga duha ka inspecting team ang Capiz PPO nga amu ang magalibot sa mga police stations sa bilog nga probinsya sang Capiz.
Ini ang ginapamunoan nanday Lt Col Julius Balano sa 2nd district kag Lt Col Ferdinand Dordas naman sa 1st district.
Katuyoan sang pagtukod sang amo nga team nga mapasiguro sang PNP nga mapatuman sang mga chief of police ang security coverage para sa Oplan Ligtas Undas 2019 sang PNP.
Ginpahayag ni Lt Col Julius Balano, sa banwa sang Tapaz napatuman naman sang husto ang nasambitan nga deriktiba pinaagi sa pagpatuman sang traffic scheme kag deployment sang mga kapulisan sa mga sementeryo.

Facebook Comments