City Tourism: Health protocols ipatuman sa f2f Kadayawan

30
Davao City – Hugot gihapong ipatuman ang minimum public health standards batok Coronavirus Disease 2019 (COVID-19) sa face-to-face (F2F) Kadayawan sa Dabaw nga planong himuon karong Agosto 2022.

Sa interbyu sa city-owned radio, giawhag ni Generose Tecson, Head sa City Tourism Operations Office (CTOO) ang publiko nga tumanon ang health protocols ilabina ang pagsuot og face mask atol sa aktibidad aron malikayan ang risgo sa takod sa COVID-19.

“Pinaplano na natin ito na mag-face-to-face tayo for Kadayawan with the hopes po na by that time, tayo pong lahat ay responsable na rin at naiintindahan na rin natin ‘yung mga minimum public health protocols,” sulti ni Tecson.

Gipasabot usab ni Tecson ang importansya sa pagpabakuna ug pagpa-booster aron siguradong maproteksyonan ang kaugalingon ilabina sa dagsa sa mga tawo.

Matud sa City Tourism official, dakong tabang sa mga negosyante ug ekonomiya ang pagbalik sa F2F Kadayawan ug ang hinay-hinay nga pagbalik sa normal.

RadyoMaN Kirby Manzon

Facebook Comments