Upat ka hikers nga na-trap sa Toril na-rescue

232
Davao City – Nagpasalamat ang Davao Central 911 sa mga mitabang nga mountaineers aron ma-rescue ang upat ka hikers nga pakyas nang nakabalik human niadto sa Kawa-kawa Falls sa Vipers Peak sa Barangay Bato, Toril, Davao City.

Alas 12:36 sa kaadlawon kagahapong adlawa (Abril 22, 2022) sa dihang nakadawat og report ang 911 gikan sa usa ka concern citizen kabahin sa insidente.

Gilayong nagpahigayon og search and rescue operation ang Urban Search and Rescue (USAR) Unit dala ang Search and Rescue (SAR) dogs team.

Alas 3:00 sa kaadlawon sa dihang na-detect sa SAR dogs ang mga hikers. Nakita sa awtoridad ang grupo nga nagtindog sa usa ka tabla nga kahoy samtang nagpaabot sa rescue.

Gilayong gi-assess sa Emergency Medical Services (EMS) ang kondisyon sa mga hikers nga wala na usab nagpadala hospital. Padayong pang giinbestigahan ang insidente.

RadyoMaN Kirby Manzon

Facebook Comments