COMELEC Davao City, walay nasinatiang problema sa mga kandidato sa BSKE 2023

Davao City – Luyo sa pagdagsa sa mga kandidato sa Commission on Election (COMELEC) Davao City sa unang adlaw sa pagduso sa Certificate of Candidacy niadtong adlaw’ng lunes, walay nasinatiang problema ang COMELEC Davao City sa mga nagsumite sa ilang COC ning ika-duhang adlaw sa filing sa COC.

Gibutyag ni COMELEC XI Assistant Regional Director Atty.Gay Enumerables, nunot kini sa ilang panawagan sa wala pa magsugod ang pagduso sa COC nga sundon ang mga pakataran ug pag-comply sa mga reglamentos nga gipatuman sa COMELEC.

Giingon ni Enumerables, gisunod usab sa mga aspirant candidates ang instruction nga seguraduhon ang spelling sa ilang kumpletong pangalan, address, pirma, pagnotaryo ug tulo ka back-to-back nga kopya sa aplikasyon, aron sa ingon igo nalang nilang itunol ang maong mga dokumento pag-adto sa COMELEC.

Hinoon, adunay pipila ka kandidato ang gipabalik, apan dili tungod adunay sayop ang pag-fill up sa aplikasyon, apan gumikan kay dili back to back ang ilang gisumite nga aplikasyon.

Sa kinatibuk-an, walay kakuliang nasinati ang unang adlaw ug mas nahapsay pa ang kahimtang kagahapon adlawa, sanglit pulos mga magpapili na lang ug wala na’y mga supporters.

RadyoMaN Joel Viray