Gin-activate na sang Department of Agriculture (DA) region 6 ang Avian Influenza Task Force agud masiguro nga mapabilin nga bird flue free ang Western Visayas.
Ini kasunod sang pagluntad sang outbreak sang Avian flu sa Pampanga kon sa diin linibop ka mga manok kag mga itik ang apektado.
Ginpahayag ni Director Remelyn Recoter, importante ang papel sang rehiyon bangud entry point ini sang mga roro vessels gikan sa Luzon.
Ginganyat man ni Recoter ang mga katapo sang regional advisory council for animal disease control and emergency nga mangin aktibo sa monitoring, surveillance kag reporting sang indi ordinaryo nga pagkalamatay sang mga ginasagod nga mga poultry kag presensya sang migratory birds sa lugar.
Dapat man suno sa iya nga mabantayan ang nagasulod nga mga poultry products gikan sa iban nga rehiyon.
