PBBM angay mangayo’g pasaylo tungod sa fake news – Davaoeño

Davao City – Nagtuo karon ang pipila ka mga Davaoeño nga kinahanglan magpaubos si Ferdinand ‘Bongbong’ Marcos Jr. tungod sa sayop nga impormasyon nga gipakatag, ilabi na sa giingong nadakpan si Zaldy Co.

Matud ni Eling Alibango, taga-Barangay Wangan, Davao City, nga kinahanglan masayod ang katawhan sa pagpangayo og pasaylo ang Presidente, ilabi na sa sayop nga impormasyon.

Samtang matud ni “Jesa,” taga-Ilang, Davao City, naulaw nga usa ka Presidente ang nasayop sa pagpakatag sa impormasyon, busa angay nga kinahanglan mopakita og pagmahay.

Samtang alang kang Kumander Buboy, taga-Tamugan, Davao City, nga angayan lang nga adunay pagpangayo og pasaylo gikan sa Presidente nga nasayop siya, apan nagtuo siyag dili kini magpaubos, tungod sa dagko na, matud pa, nga sala nga nabaliwala ra—kana kaha nga impormasyon lang ang nabikil.

Mahinumduman nga gianunsyo ni Presidente Marcos nga nadakpan na sa Czech Republic si Zaldy Co, apan, pagsubay sa Department of Justice (Philippines), giklaro nga wala kini masikop ug gani nakagawas na sa kamot sa Czech government.

RadyoMaN Bien Abanos