DAGHANG KAKULANGON SA ILIGAN MAOY HINUNGDAN SA PAGTAAS SA MGA KASO SA LOCAL TRANSMISSION, MATUD PA SA NATIONAL COVID TASK FORCE

Nakit-an sa national COVID task force nga adunay upat ka mga rason kung nganong nagpadayon ang pagtaas ang kaso sa local transmission sa COVID-19 sa Iligan City.  

Kini mao ang geographic location, kakulangon sa isolation facility, hinay nga contact tracing ug kakulangon sa testing centers.  

Sa gihimong press briefing kagahapon sa city hall sa Cagayan de Oro City, miingon si national Task Froce chief implementer Carlito Galvez, nga una, ang Iligan City maoy melting pot sa mga motorist gikan sa Bangsamorto Region ug sa ubang bahin sa Northern Mindanao.  


Ikaduha, kulang ang isolation units nga maoy kabutangan sa mga pasyente nga natakdan sa coronavirus ug maoy hinungdan nga ang mga asymptomatic, padayong naglatagaw sa mga komunidad.  

Apan dili kini, matud pa ni Galvez mamahimong hinungdan nga ibalik sa enhanced community quarantine ang siyudad.  

Miingon si Galvez nga dili kaya sa Iligan suportahan ang katawhan kung ibalik ang dakbayan sa ECQ.

Facebook Comments