NUMBER 10 DRUG PERSONALITY SA ILIGAN SIKOP SA GIHIMONG JOINT DRUG BUY BUST OPERATION SA PDEA, NBI UG PNP

35

Sikop sa gihimong joint drug buy bust operation sa Philippine Drugs Enforcement Agency o PDEA, NBI ug PNP ang number 10 drug personality dinhi sa Iligan.  

Nakuha gikan sa suspect nga si Alien Dimalotang alyas “Yoyong” ang gibana-banang kinse ka gramos sa gituho-ang shabu nga adunay estimated value nga 102,000.00 pesos.  


Matud ni PDEA Iligan ug Lanao del Norte Assistant Provincial Director Neil Pabilona, nga taud-taud na nilang gi-surveillance ang suspect ug nahulog ra gayud kini siya sa kamot sa mga otoridad sa gipuy-an niini diha sa may zone 7 Fortaleza St., Barangay Poblacion.  

Gibutyag ni Pabilona nga giilang number 10 sa listahan ang suspect tungod dinagko naman ang gi-transact niining illegal nga druga.  

Kasamtangan nga gidala sa rehiyonal nga buhatan sa PDEA ang suspect alang sa dugang imbestigasyon ug eksaminasyon nga iyang atubangon.

Facebook Comments