DAKPAN|Laborer nga may kaso, dakpan

20

General Santos City—Sikop sa operatiba sa Glan Municipal Police Station ang usa ka laborer kansa nag-atubang ug kasong 2 counts of Qualified Theft atol sa gihimo nilang operasyon sa may Purok Baybay, Barangay Punsad, Glan, Sarangani Province niadtong nakalabayng adlaw.

Dinakpan giilang si Benroyd Dasal, 33 anyos, residenti sa Barangay Burias, Glan, Sarangani.

Una nang nakadawat ug impormasyon ang Glan Municipal Police Station nga anaa sa barangay Punsad ang suspek.

Tungod niini, gilayong girespondihan sa kapulisan ang lugar bitbit ang warrant of arrest sa kasong giatubang sa nahisgutan nga una nang gipagula ni Hon. Judge, Oscar Noel Jr. sa RTC branch 35, 11th Judicial Region.

Wala na usab mipalag pa ang suspek human gipresentar kaniya ang warrant of arrest sa kasong iyang giatubang. Sa karon balhog na sa silda sa kapulisan ang suspek ug commitment order nalang ang gihuwat aron mabalhin na kini sa Sarangani Provincial Jail apan mamahimo kining makagawas sa presohan higayon nga makapyansa ug P50,000.00 ug P45,000.00.

Facebook Comments