Ipina-subpoena ng Senate Impeachment Court ang dalawang National Bureau of Investigation (NBI) officials para paharapin sa impeachment trial ni Vice President Sara Duterte.
Ipinagutos ni Senate Impeachment Court presiding officer Chiz Escudero ang pagiisyu ng subpoena ad testificandum kina NBI-Bangsamoro Autonomous Region in Muslim Mindanao (NBI-BARMM) Regional Director Jeremy Lotoc, at NBI Cyber Investigation and Assessment Center (CIAC) senior agent John Mark Calilung.
Ang dalawa ay kasama sa listahan ng mga witnesses ng house prosecution team na nakalinya para humarap sa linggong ito.
Sina Lotoc at Calilung ay tetestigo kaugnay sa Article 4 o ang pagbabanta ni VP Sara na patayin sina Pangulong Bongbong Marcos, First Lady Liza Araneta-Marcos at dating House Speaker Martin Romualdez.
Bukod dito, pinasa-subpoena rin ang mga bank managers ng siyam na bangko at ang mga dokumento, books, records, electronic data, communications at information kaugnay sa mga accounts, deposits, investments, cash, loans, safety deposits, at iba pang financial transactions ng magasawang Atty. Mans Carpio at VP Sara.
