Davao City – Mihatag og logistical support ang Davao City Government pinaagi sa City Disaster Risk Reduction and Management Office (CDRRMO) ngadto sa Office of Civil Defense (OCD) XI alang sa pagdala sa 500 ka kahon sa bottled water ngadto sa Camp Panacan sa gabii sa Hunyo 10, 2026.
Sumala sa mga otoridad, ang maong suplay sa tubig ipaagi og airlift padulong sa mga komunidad sa Region XI ug Region XII nga naapektuhan sa magnitude-7.8 nga linog nga niigo niadtong Hunyo 8.
Kabahin kini sa nagpadayong relief operations aron matabangan ang mga apektadong residente ug masiguro ang ilang akses sa limpyo ug luwas nga tubig-inom samtang nagpadayon ang pagbangon gikan sa kadaot nga gidulot sa linog.
RadyoMaN Kareen Beltran
Facebook Comments
