Davao Occidental – Nagpadayon ang search and rescue operations sa Brgy. Patulang, Jose Abad Santos, Davao Occidental niadtong Hunyo 10, 2026, uban sa paningkamot sa Coast Guard District Southeastern Mindanao (CGDSEM), K9 Special Operations Unit Southeastern Mindanao, Coast Guard Station Davao, ug Municipal Disaster Risk Reduction and Management Office (MDRRMO).
Human sa koordinasyon sa lokal nga mga opisyal ug residente, natumbok sa mga responder ang tulo ka lugar nga naigo sa landslide ug gilayon nga naglusad og search operations sa Sitio Upper Abdab ug Sitio Lower Kayapa aron maseguro kon adunay natanggong o nawala nga mga tawo.
Sa pagkakaron, temporaryong gihunong ang operasyon tungod sa delikadong kahimtang sa yuta ug sa kangitngit, apan andam nga mopadayon ang mga responder sa dihang motugot na ang sitwasyon, ilabina nga anaa pa sa 13 ang natalang missing, sumala sa Office of Civil Defense XI, ug anaa na sa 12 ang natalang patay.
Nagpahimangno sab ang mga otoridad sa tanang katawhan nga kanunayng mag-amping ug magmatngon aron malikayan ang peligro.
RadyoMaN Kareen Beltran
Facebook Comments
