Davao region’s top 7 HVI misukol-patay sa buy bust

312
Davao City- Niresulta sa maduguong armed encounter ang gilusad nga buy bust operation sa Sasa Police Station ilawom kang Police Major Jake Goles human alegasyong nisukol ang target nga gikonsidera sa kapulisan nga Top 7 Regional Level HVI sa operasyon.

Nagpahigayon og buy bust operation ang Sasa PNP uban ang 1105th MC, RMFB11, Davao City Maritime Police Station ug PDEA XI sa Malagamot corner Estores Road, Panacan, Davao City sa suspek nga giilang si Alvin Cariño Makiling 32 anyos, driver, residente Bago Aplaya, Davao City.

Napalitan pa gayod ang suspek sa poseur buyer nga pulis og mubalor sa P21,760.00 nga marijuana apan dihang nagpaila na kining awtoridad, inay mu-sumite sa iyahang kaugalingon gitulak diin natumba ang pulis sa yuta ug gisulayan pa kinig pusil.

Swerteng nakalikay ang pulis ug nakadagan sa may Estores Road diin naka-standby usab ang back up pulis.

Atol sa ginukdanay, nagkapinusilay na ang suspek ug ang pulis diin naigo kining suspek sa iyahang lawas ug natumba.

Dali kining gidala sa SPMC apan gideklara na kining dead on arrival.



Matud ni Goles, narekober ang kapin P80,000 shabu ug marijuana sa pag body search sa patayng lawas sa suspek nga anaa karon sa morgue sa SPMC.

RadyoMaN Aimee Guinita

Facebook Comments