Davao Oriental – Giapod-apod sa Department of Labor and Employment (Dole) XI ang ₱1.81 milyon nga Livelihood Assistance nga makabenepisyo sa 372 ka benepisyaryo sa Davao Oriental.
Gipangunahan ni DOLE XI Assistant Regional Director Atty. Kim Lagcao ang ceremonial turnover sa maong ayuda, nga gitumong sa pagsuporta sa 10 ka livelihood projects ubos sa DOLE Integrated Livelihood Project (DILP).
Dugang pa mga gilauman nga makatabang ang pondo ug mga livelihood assistance sa pagpalig-on sa kasamtangang mga negosyo, pagtukod og bag-ong mga kalihokan nga makahatag og kita, ug paghimo og mas malungtarong tinubdan sa panginabuhian alang sa mga trabahante ug komunidad.
Subay niini, kabahin ang maong inisyatiba sa padayong pagpaningkamot sa DOLE nga mapaduol ang livelihood opportunities ug serbisyo ngadto sa mga trabahante ug komunidad sa rehiyon.
RadyoMaN Wil Duran
Facebook Comments
