Davao taxi companies wala pay plano bahin sa fare increase

Davao City – Wala pa gipatawag sa mga taxi companies ang mga drayber sa taxi alang sa ipahigayon nga panagpulong nga patas-an ang pamasahe nunot sa laing na sab nga hugna sa pagsaka presyo sa produktong petrolyo ugmang adlaw September 19,2023.

Sa interview sa DXDC RMN Davao kang kang Vengie Martinez, taxi driver sa kompanya sa Maligaya Taxi, gisulti niini nga wala pay plano ang kompanya nga magpausbaw sa pletehan.

Gidugang niya, panahon na usab nga magpa-usbaw sa pletehan tungod sa sunod-sunod sa oil increase.

Nahinabi usab sa DXDC New Team si Wing Tutor, driver sa All Aboard Company, ug matod niini nga kining pagsaka sa gasolina dakong hagit kanila kung mopadayon sa pagpamasada tungod wala silay laing trabaho ug walay laing makuhaan og kita adlaw adlaw.

Sugyot usab ni Tutor,nga paubsan and renta sa taxi nga iyang gidrayban aron nga dunay ma remit ngadto sa iyang pamilya.

Ika onse nga hugna sa pagsaka sa presyo ang gasolina mosaka og P2.00 per liter, Diesel P2.50 per liter ug ang Kerosene P2.00 per liter.

RadyoMaN Don Pulayao