Daywa ka mga motorsiklo nagsunggaban, 1 sa mga driver nabalian it batiis

KALIBO, AKLAN — Bali ro batiis ko sangka driver it motorsiklo matapos nga matabo rong pagsunggaban kahapon it hapon sa Brgy. Tagbaya, Ibajay, Aklan.
Ro nabalian it batiis hay nakilaea kay Dick Fransuelas, 26-anyos ag residente it Brgy. Ondoy ag driver it Honda 125 samatng ro anang nakasunggaban hay sangka 15-anyos nga driver it Kasawaki 200cc pero uwa it lastro nga naangkon.
Suno kay PO1 George Regalado it Ibajay MPS nga naga guwa sa andang imbestigasyon nga natabo rong aksidente samatng si Fransuelas hay sakay it Honda 125 halin sa Brgy. Ondoy pero pag abot sa Brgy. Tagbaya nakasunggaban nana ron Kawasaki 200cc nga gina maneho it 15-anyos halin Poblacion ibajay ag paadto sa banwa it Nabas matapos nga mag-overtake raya sa ginasundan nga saeakyan ag umagaw it lane.
Matapos matabo ro aksidente insigida gindaea sa hospital rong daywa pero ro 15-anyos hay gin refer sa out patient department pero si Fransuelas hay nagapabilin nga confined.