Baligyaan it mga RTWs sa Nabas Public Market gintakawan

KALIBO, AKLAN — Kapin sa 20,000 pesos nga balor it mga RTWs rong nahatakaw sa sangka baligyaan sa sueod it Nabas Public Market.
Sa pakikipag-angot it RMN Dykr Kalibo kay PO1 Somil it Nabas MPS nga base sa andang imbestigasyon naga guwa nga ro nasambit nga baligyaan hay ginapanag-iyahan ni Mr. Odon Palanog, 46-anyos it Brgy. Solido, Nabas, Aklan.
Natukiban ro nasambit nga paeanakawan matapos nga si Remy Quimpo, 71-anyos ag tag-ana man it sangka restaurant hay nag abot mga alas 4:00 it aga-aga kahapon, ana nataeopangdan nga ro ibang gamit sa sueod hay uwa sa ayos ag nagkaduea.
Nagtawag sanda it police assistance ag sa pag usisa sa iba nga tindahan hay dikato rayon natukiban.
Sa makaron hay uwa pa it matumod ro mga kapulisan kon sin ro responsable sa pagpanakaw bangud nga uwa it nakakita, uwa it CCTV ag madueom rong lugar.
Padayon pa rong follow up investigation it Nabas PNP.