Sa interbyu sa DXDC RMN Davao kang Aiza Usop, Manager sa DCOTT, gisaysay niini nga hitsas na ang security measures sa terminal gawas sa Holy Week ingon man ang piniliay sa bulan sa Mayo karon tuiga.
“Kita diri sa atoang DCOTT terminal, the more pud nato nga gitutokan usab ang atoang security measures kay (ang) Holy Week ug kining atoang eleksyon is umaabotay na,” matud ni Usop.
Matud ni Usop, tanang pasahero kinahanglan gihapong muagi sa usa ka passenger entrance ug ipaagi ang ilang bagahe sa x-ray machine ug walk-through machine sa mga pasahero.
Dugang sa DCOTT Manager, naga-random check/inspection usab ang K-9 Unit kung gikinahanglan ilabina sa mga dagkong kargamento.
Padayong usab karong ginapatuman sa terminal ang Minimum Public Health Standards (MPHS) batok Coronavirus Disease 2019 (COVID-19) ilabina karong gipailawom ang syudad sa COVID-19 Alert Level 1.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
