Davao City – Gipadayag ni Mayor Sebastian “Baste” Duterte ang iyang pangamuyo nga magpadayon nga luwas ang Davao, lakip na ang tibuok nasud, gikan sa mga dautang panghitabo.
Setyembre 02, 2026, gipangulohan sa Mayor ang paghandum sa ika-10 ka tuig sa Roxas Night Market Bombing, diin siya nag-awhag sa katawhan nga mosunod sa balaod ug magkahiusa aron dili na kini masubli sa siyudad ug sa tibuok nasud.
Samtang gipasalamatan sa opisyal ang mga pulis, kasundalohan, ug ubang sakop sa law enforcement units, sukad sa iyang pag-apil sa politika, wala nay mga natala nga pagpamomba sa dakbayan.
Nasayran nga padayon nga gitabangan sa lokal nga panggamhanan sa Davao ang mga pamilya ug mga survivor sa nahitabo nga pagpamomba niadtong Setyembre 02, 2016, nga nagresulta sa 14 ka patay, lakip ang usa ka buntis, ug 68 ka samdan.
RadyoMaN Bien Abanos
Facebook Comments
