DCPO, gikumpirma nga walay koordinasyon sa PNP ang pag-butang sa mga election paraphernalia sa Buhangin, Davao City

Davao City – Gibarugan ni Davao City Police Office (DCPO) City Director PCOL Hansel Marantan, walay gihimong koordinasyon sa ilang buhatan o tibuok Philippine National Police (PNP), ang pagbutang sa usa ka pribado nga lugar sa pipila ka mga election paraphernalia sa Dumanlas, Buhangin, Davao City.

Segun ni PCOL Marantan, walay gipakita usab nga dokumento nga makapamatuod nga usa ka staging hub, ang gibutangan sa maong mga election paraphernalia, tungod kung ugaling aduna silay impormasyon aduna usab matud pay mga personahe sa kapulisan nga gipang-deploy sa lugar, aron mobantay sa maong mga paraphernalia.

Ang maong mga kagamitan gihatud na sa lain-laing mga lugar ug nabalik na usab sa Davao City human nadala kini sa Davao del Norte ang 37 ka mga boxes nga adunay sulod nga Starlink Satellite Transmission Devices ug Batteries ingon man ang 37 ka mga solar panels.

Sumala ni Marantan, adunay igong lugar nga gibutangan sa maong mga paraphernalia, sulod sa DCPO nga usa ka luwas, adunay nagbantay, naka pad-lock, ug neutral nga lugar.

Samtang gidayeg usab ni Marantan, ang usa ka concerned citizen nga mireport sa kapulisan isip pagpamatuod nga gina-practice ang “Pag may nakita, magsalita.”

Sa pagkakaron, nagpadayon usab ang gihimong imbestigasyon sa kapulisan kabahin sa maong isyu.

RadyoMaN Kareen Beltran