Mariing tututulan ng Office of the Ombudsman ang mosyon ni dating House Speaker Martin Romualdez na manatili sa ospital habang nahaharap sa kasong plunder.
Ayon kay Assistant Ombudsman Mico Clavano, hihilingin ng prosekusyon na isang grupo ng mga government doctor ang magsuri sa kondisyon ni Romualdez.
“The prosecutors will strongly oppose the motion. In fact, the prosecutors will ask that not just one doctor but a team of government doctors assess whether or not the illnesses declared need confinement or can be managed outside of the hospital.” —Asst. Ombudsman Mico Clavano
Layunin nitong matukoy kung kinakailangan talaga ang patuloy na hospital confinement o kung maaari namang gamutin at bantayan ang kanyang kondisyon kahit nasa labas ng ospital.
Sakaling mapag-alamang hindi kailangan ang hospital confinement, sinabi ni Clavano na hihilingin ng prosekusyon na agad mailipat si Romualdez sa isang regular detention facility, gaya ng ibang akusado sa mga kasong hindi maaaring piyansahan.
“If his illnesses can be managed from outside of the hospital, the prosecutors will move that he be immediately transferred to the regular detention facility as all other accused in non-bailable cases.” —Asst. Ombudsman Mico Clavano
Nakatakdang dinggin ng Sandiganbayan Third Division bukas, Setyembre 10, ang mosyon ni Romualdez para sa kanyang patuloy na pananatili sa ospital.
