Davao City – Malipayong gi-anunsyo ni Deputy Gab Nakan, ang head sa Davao City Muslim affairs nga isip transparensiya miabot og P32,293.75 ang kinatibuk-ang kantidad sulod sa Sadaqa box dihang giablihan ug giihap kini.
Sumala pa sa opisyal nga facebook post ni Deputy Nakan nga ang maong kwarta nag gikan matud pa sa mga donasyon subay sa gilusad nga Eid’l Fitr 2025.
Gani, matud pa nga gamiton ang maong kwarta alang sa mga Muslim Eid Programs ingon man plano sab sa maong grupo nga magpundar og kaugalingong mga sound system, LED display ug uban pang mga essentials nga muhatag of kanindot sa ilang matag aktibidad sa kaigsuonang Muslim.
Mitimbaya ug mihatag sab og pagpasalamat si Deputy Nakan sa kontribusyon sa tanang katawhan.
Gani, naglusad sab og PABUKA 2025 kagahapon April 7, 2025 diin gitambungan sa kapin 1000 ka mga nagkadaiyang tribu ug sektor sa Muslim sa Davao City.
RadyoMaN Kareen Beltran
Facebook Comments
