DCPO: Health protocol violators dakpon

47

Davao City – Hugot iimplementar sa kapulisan sa syudad sa Davao ang mga tahas kanila subay sa pagpatuman sa E.O. 62 kon subling paggamit sa FM Pass ug E.O. 63 kon pagpaubos sa syudad sa Davao isip restricted LGU tungod sa pagsaka sa kaso sa COVID-19 diinhi sa syudad diin kini mag sugod karong semana.
Sumala ni Davao City Police Office (DCPO) spokesperson P/Capt. Rosario Aguilar, mosunod lamang sila sa mando kanila gikan sa LGU.
“Kung naa man sila’y issues sama sa nawala nga FM Pass ang right authority motubag ana kay ang LGU basta kami as an implementing body mahulog gyud ka as violator,” pagpasabot niini.
Tambag ni Aguilar ngadto sa mga Dabawenyo nga kung dili Authorized Persons Outside Residence (APOR) ingon man dili importante ang lakaw mas maayong magpabilin nalang sa ilang panimalay.
Samtang ang mga dunay asikasohon kinahanglan andamon ang ilang mga papeles ug dili kalimtan ang FM Pass.

RadyoMaN Jason Amisola


Facebook Comments