Tiniyak ng kampo ni resigned Ateneo Coach Tab Baldwin na makikipagtulungan ito sa imbestigasyon kaugnay ng pagkasawi nina Ateneo Blue Eagles basketball team Rene Baterbonia at Divine Adili.
Sinabi ni Atty. Daniel Darvin, legal counsel ni Baldwin, bahagi ng kanilang pagdalo sa hearing ng National Bureau of Investigation (NBI) ay para magbigay-linaw tungkol sa nangyaring trahedya sa Dipaculao, Aurora noong June 8.
Aniya, buo ang kanilang kooperasyon sa pagsisiyasat habang gumulong ang imbestigasyon sa insidente.
Nagbigay din ng simpatya ang kampo ni Baldwin sa mga naulilang pamilya ng mga manlalaro pero tikom naman ang bibig kung aakuin ba niya ang responsibilidad sa trahedya at kung isa itong kaso ng homicide o hazing.
Kahapon, limang abogado ang kasama ng dating Ateneo coach nang humarap sa NBI.
