Death penalty, kinahanglan na aron masulosyunan ang problema sa droga sigun sa VACC

62

Bukidnon – Kinahanglan matud pa ang death penalty aron masolusyunan ang problema sa illegal nga droga sa nasud.

Sa interview sa RMN Malaybalay ngadto kang Dante Jimenez, chairman sa Volunteers Against Crime and Corruption kon VACC gibutyag niini nga nagtoo siya nga hangtod dili mapalabang ang death penalty alang sa mga nalambigit sa illegal nga droga magpadayon kini.


Matud ni Jimenez nga kinahanglan gayod nga tanang malambigit sa drug trafficking pahamtangan ug silot kamatayon.

Gi-ingon niya nga wala mahadlok ang mga drug trafficker sa droga tungod sa kwarta.

Gipahayag pa ni Jimenez nga adunay kalambuan usab tungod sa gipahugtan nga kampanya sa illegal nga droga.

Gipanawagan pa niini sa mga drug lords nga nagbaton ug private armies nga magbag-o na.

Apil usab matud pa sa himoon sa gobyerno aron masolusyunan ang problema sa droga mao ang pagpadayon sa kampanya, pagpanakop sa nalambigit niini ug bantayan ang mga port.




Gidugang pa niini nga gihimo ang Pilipinas ug tambakanan ug drogas maong angayan kining tutukan sa otoridad.

Nagtoo usab ang VACC nga sa gawas sa nasud pa naggagikan ang mga illegal drugs tungod kay napasirado na ang mga drug laboratory sa Pilipinas.

Facebook Comments