Debt-free Davao dakong kontribusyon ni VP Sara sa dakbayan

36
Davao City – Usa sa dakong kontribusyon ni outgoing Davao City Mayor ug Vice President (VP)-elect Sara Duterte-Carpio sa Davao City mao ang paghimong debt-free sa dakbayan sa Davao.

Sa interbyu sa DXDC RMN Davao kang Professor Ramon Beleno III, Ateneo de Davao University (AdDU) Political Analyst, gisaysay niini nga nakita ang maayong liderato ni VP-elect Sara ilabina sa pagbayad sa utang sa City Government of Davao gawas pa sa iyang mga maayong programa sa syudad isip local chief executive.

“Siya na mismo nagsabi nito during the campaign. ‘Yun talagang major contribution niya dito city is nung nawala ‘yung atong utang. Nawala ‘yung billion na utang ng city, and that is due to very, good efficient management of resources,” sulti ni Beleno.

Dugang ni Beleno, dako og tabang ang kasinatian sa bag-ong bise presidente ilabina isip secretary sa Department of Education (DepEd) diin dako ang gitagana nga pundo sa departmento apan sa pagkakaron aduna gihapoy mga problema nga angay matutokan ug solusyonan.

Kagahapong adlawa, June 19, 2022 gipahigayon ang inagurasyon ni VP-elect Sara Duterte dinhi sa syudad ug pormal kining magsugod sa trabaho isip bise presidente sa June 30, 2022.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments