DepEd: Class suspension ipatuman sa pagpangandam sa eleksyon

Davao City – Magpatuman og dol-an duha ka semana nga walay klase ang Department of Education (DepEd) isip pagpangandam sa May 9, 2022 Elections.

Sa anunsyo sa DepEd, walay klase ang mga estudyante sa tanang lebel sa pampublikong eskwelahan sa nasud partikular na sa Kinder hangtud Grade 12, gikan Mayo 2 hangtud 13, 2022.

Kini subay sa DepEd Order No. 29, s. 2021, nga nagtagana sa maong mga adlaw alang sa national election-related activities sa mga magtutudlo ug personahe sa DepEd.

Samtang, kinahanglan gihapon sa mga magtutudlo nga mo-report sa ilang eskwelahan sa adlaw nga walay election-related duties o activities sa maong period.

Dinhi sa Davao Region, gibansay na ang tanang magtutudlo nga magsilbing electoral boards sa national ug local election diin matud sa Commission on Elections (COMELEC)-XI, tag-tulo ka teachers ang ibutang sa mga clustered precincts karong piniliay.

RadyoMaN Kirby Manzon

Facebook Comments