DEPED-XI: Christmas parties, boluntaryo

Davao City – Giklaro sa Department of Education (DepEd)-XI nga boluntaryo o dili mandatory ang pagpahigayon og Christmas parties sa eskwelahan karong Disyembre.

Subay sa DepEd Order No. 052, Series of 2022, gikataho nga dili kinahanglang pugson ang usa ka estudyante o DepEd personnel sa pag-contribute, participate o paggamit sa ilang kwarta sa maong aktibidad.

Gipahinumduman ang mga DepEd personnel nga gidili ang pag-solicit mapa-cash o in-kind alang sa Christmas party.

Kinahanglan usab nga simple lang ang pagpahigayon sa maong aktibidad ug boluntaryo lamang ang paghatag og kontribusyon mapa-in kind o cash.

Dili usab kinahanglang makaapekto sa klase ug makakompromiso sa provision of departmental services ang pagpahigayon og Christmas party.

Dugang sa Deped Order nga mamahimo nga magdugang og guidelines ang Schools Division Offices kalabot niini depende sa ilang lokal nga tradisyon.



RadyoMaN Kirby Manzon

Facebook Comments