Davao City – Hugot nga gipatuman sa Tagum City Police Station (PS) sa Davao del Norte ang seguridad sa ilang Area of Responsibility (AOR) batok sa unsa mang insidente.
Sa interbyu sa DXDC RMN Davao sa Tagum City Police Station (PS), gisaysay niini nga walay mga insidente sa kawat, snatching, lungkab o pagpamato sa sakyanan nga gika-report sa publiko sa kasamtangan.
“So far, gipakusgan nato ang beat patrolling sa atong area. Naay mga mobile patrol. Aside niana, naa pud ‘tay mga motor patrol nga nagatuyok-tuyok sa atoang AOR,” sulti sa pulis.
Dugang sa Tagum City PS nga hugot usab ang ilang pagbantay sa mga menor de edad nga gidid-an na nga maglatagaw alas 10:00 sa gabii. Samtang, wala na usab gitugot ang pag-inom ug pag-videoke lagpas alas 12:00 sa tungang gabii.
RadyoMaN Kirby Manzon
Facebook Comments
