DepEd-XI gikalipay ang pag-appoint kang Sara Duterte isip DepEd Secretary

62
Davao City – Positibo ang Department of Education (DepEd-XI) nga dako ang mahimo ni Vice President elect Sara Duterte-Caprio human gi-appoint ni Presumptive President Ferdinand “Bongbong” Marcos Jr. isip DepEd Secretary atol sa iyang 7-minute statement kagabii (Mayo 11, 2022).

“I have been authorized to announce the first nominee that we will be giving to the Commission on Appointments when the time comes, should I be proclaimed, and that is that the incoming vice president has agreed to take the brief of the Department of Education,” pamahayag ni Marcos Jr.

Sa interbyu sa DXDC RMN Davao kang Jenielito Atillo, tigpamaba sa DepEd-XI, gisulti niini nga wala sila nagdahum apan sila nalipay ug nasayud nga adunay kasing-kasing sa edukasyon ang incoming vice president ug kini dakong garbo sa Davao.

“Wala man damha ‘ni pero dako kaayo ang kalipay para sa hud-ong sa edukasyon dili lamang dinhi sa Region XI apan sa tibuok nasud. Very passionate (ug) serious kaayo ang atong umabotay nga bise presidente sa mga programa niya sa edukasyon,” sulti ni Atillo.

Dugang sa DepEd-XI official, daghan og mga proyekto sa edukasyon ang syudad nga pwedeng himuon sa tibuok nasud sama sa mga proyekto sa mga magtutudlo ilabina sa mga kabataan.

Dinhi sa Davao City, usa ang edukasyon sa mga priority programs ni Sara Duterte. Gani adunay mga scholar ang City Government of Davao ilawom sa Educational Benefit System Unit (EBSU) isip pagtabang sa mga pobreng kabataan aron makahuman sa ilang pagtuon sa kolehiyo aron makab-ot ilang mga pangandoy sa kinabuhi.



RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments